Qazaqstanda aldaǵy úsh táýlikte jaýyn-shashyn bolmaıdy
ASTANA. QazAqparat - Qazaqstanda 3-5 sáýirde aýa raıy jaýyn-shashynsyz, kún jyly bolady, dep habarlaıdy «Qazgıdromet» RMK.
«Aldaǵy úsh táýlikte antıtsıklonnyń yqpalymen Qazaqstannyń kóptegen oblystarynda aýa raıy jaýyn-shashynsyz bolady jáne aýa temperatýrasy kóteriledi», - delingen habarlamada.
5 sáýirde soltústik jáne shyǵys oblystarda kúndiz aýa temperatýrasy plıýs 5...13 gradýs, ońtústikte plıýs 20...28 gradýsqa deıin kóteriledi.
4-5 sáýirde batysta jańbyr jaýyp, kún kúrkireıdi jáne jel soǵyp, aýa temperatýrasy tómendeıdi.
