Qazaqstanda aldaǵy úsh táýlikte kún sýytady
ASTANA. QazAqparat - Sınoptıkter 16-18 naýryzǵa arnalǵan aýa raıy jóninde málim etti, dep habarlaıdy «QazAqparat» HAA tilshisi.
«Qazaqstanda aldaǵy úsh táýligindegi aýa raıy antıtsıklonǵa táýeldi bolady. Sondyqtan sınoptıkter kóptegen oblystarda aýa-raıy jaýyn-shashynsyz, sýyq bolady dep boljap otyr. Sondaı-aq, túnde jáne tańerteńgilik ýaqyttarda tuman túsedi», - dep habarlady «Qazgıdromet» RMK.
Aýa temperatýrasynyń tómendeýi Sibirden kelgen atmosferalyq fronttardyń ótýine baılanysty. Sol sebepti temperatýra jyl saıynǵy ortasha kórsetkishten 2-6ºS-qa tómendeıdi.
Respýblıkanyń tek batys aımaǵynda temperatýra qalypty bolady dep kútilýde.
Elordada aldaǵy úsh kúnde jaýyn-shashyn bolmaıdy. Jeldiń jyldamdyǵy 5-10 m/s. Túnde temperatýra -14-17 °S, kúndiz -5-8°S. 16 naýryz kúni túnde jáne tańerteń tuman túsedi.
Taıaý kúnderi Almatyny da jaýyn-shashynsyz, bultty aýa raıy kútip tur. Túnde tuman bolady. Jeldiń jyldamdyǵy 0-5 m/s. Aýa temperatýrasy túnde -2-4°S, kúndiz +3+6°S-ty quraıdy.
