Qazaqstanda aldaǵy úsh kúnde jyly aýa raıy kútilýde
ASTANA. QazAqparat - Aldaǵy úsh kúnde Qazaqstanda aýa raıy jyly bolady, dep habarlady «Qazgıdromet» RMK.
«Jazǵy kanıkýldyń sońǵy kúnderi jaýyn-shashynsyz, jyly aýa raıymen qýantady. 26-27 tamyz kúnderi ǵana respýblıkanyń soltústik, ortalyq, shyǵys aýdandarda ǵana naızaǵaı oınap, jańbyr jaýýy múmkin. Respýblıkanyń basym bóligindegi temperatýra 25-33ºS aralyǵynda, ońtústik pen batysta 33-38ºS bolmaq, bul ádettegi klımattyq normadan joǵary», - delingen habarlamada.
