Qazaqstanda aldaǵy úsh kúnde jańbyr jaýyp, kún sýytady - sınoptıkter

ASTANA. QazAqparat - 22-24 tamyz kúnderi Qazaqstannyń basym bóliginde atmosferada jaqsy jylynǵan jáne turaqsyz aýa massalary saqtalyp, jańbyr jaýýyna sebep bolady, dep habarlaıdy QazAqparat «Qazgıdromet» RMK-ǵa silteme jasap.

Sınoptıkter boljamynsha, eldiń batysynda, soltústik-batysynda jáne soltústiginde naızaǵaı jarqyldap, qatty jel soǵyp, burshaq jáne jańbyr jaýady.

Respýblıkanyń soltústiginde kúndiz aýa temperatýrasy +18...24 gradýsqa deıin tómendeıdi. Eldiń qalǵan aýmaǵynda temperatýralyq fonda aıtarlyqtaı ózgerister bolmaıdy.