Qazaqstanda aldaǵy úsh kúnde kún sýytady

NUR-SULTAN. QazAqparat – «Qazgıdromet» RMK 2-4 maýsym kúndergi aýa raıy boljamyn málim etti, dep habarlaıdy QazAqparat.

«Atlant aýasynyń yzǵary bar soltústik antıtsıklon respýblıka aýmaǵy arqyly jyljı otyryp, aýa temperatýrasynyń aıtarlyqtaı tómendeýine ákeledi.

Túngi jáne tańerteńgi saǵattarda soltústik óńirlerde topyraq betinde 2 gradýsqa deıin úsik júrýi múmkin. 4 maýsymǵa qaraı sýyq antıtsıklonnyń jaqyndaǵanyn ońtústik óńirler de sezedi. Kúndiz termometrler 18-23 gradýsqa deıin tómendeıdi», - delingen sınoptıkter boljamynda.