Qazaqstanda aldaǵy úsh kúnde qar jaýyp, jel kúsheıedi
ASTANA. QazAqparat - Qazaqstanda 24-26 qańtar kúnder aralyǵynda qar jaýyp, burqasyn bolady. Bul týraly «Qazgıdromet» RMK-ǵa silteme jasap «QazAqparat» HAA habarlaıdy.
Sınoptıkterdiń málimetinshe, Qazaqstannyń batys, soltústik, ortalyq jáne shyǵys oblystarynda aýa temperatýrasynyń aýytqýlary bir-birimen tez aýysyp otyrǵan tsıklon jáne antıtsıklondarǵa baılanysty bolady.
«Al tsıklon júıesine kiretin atmosferalyq aǵyndar munda qar jaýyp, burqasyn bolýyna, batys jaqtan qatty jeldiń soǵýyna ákelip soqtyrady. Respýblıkanyń ońtústik jáne ońtústik-shyǵys aýdandarynda aýa temperatýrasynyń kúrt aýytqýy kútilmeýde, alaıda atmosferalyq aǵyndar bul jerde de qar aralas jańbyrdyń jaýýyna sebep bolyp, taýly aımaqtarda qalyń qar túsip, kóktaıǵaq bolyp, tuman túsedi», - delingen «Qazgıdromet» habarlamasynda.
