Qazaqstanda aldaǵy úsh kúnde qar aralas jańbyr jaýady

ASTANA. QazAqparat - 12-14 qyrkúıekte respýblıkanyń kóp bóliginde kún qubylmaly bolady, dep habarlaıdy QazAqparat «Qazgıdromet» RMQ-ǵa silteme jasap.

Sınoptıkterdiń boljamynsha, aldaǵy úsh kúnde Qazaqstanda kúshti jel soǵyp, kún kúrkirep, jańbyr jaýady. 12 qyrkúıekte respýblıkanyń soltústik-batys, soltústik, ortalyq jáne shyǵysynda nóser jańbyr jaýady. Ońtústik-shyǵystaǵy taýly aýdandarda túnde qar aralas jańbyr jaýýy múmkin.

Soltústik-batysta aýa temperatýrasy kúndiz 13-23 gradýstan 15-25 gradýsqa deıin, soltústikte 10-15-ten 12-17 gradýsqa deıin, ortalyǵynda 10-23 gradýstan 12-23-ke deıin kóteriledi. Negizgi aýa temperatýrasy kúndiz batysta 18-25 gradýs, ońtústikte – 22-30, ońtústik-shyǵysta – 18-27, taýly aýdandarda – 7-12 gradýs jyly bolady.