Qazaqstanda aldaǵy úsh kúnde aýa raıy qandaı bolady
NUR-SULTAN. QazAqparat – Sınoptıkter aldaǵy úsh kúnge arnalǵan aýa raıy boljamyn usynady, dep habarlaıdy QazAqparat «Qazgıdromet» RMK-ǵa silteme jasap.
«Skandınavııa aýdandarynan shyqqan antıtsıklon Qazaqstan Respýblıkasynyń soltústiginde, ortalyq jáne shyǵys aýmaǵynda temperatýranyń tómendeýine yqpal etedi. Keı jerlerde atmosferalyq frontaldy bólikterdiń ótýine baılanysty naızaǵaı oınap, burshaq jaýýy múmkin. Al ońtústik jáne ońtústik-batysta Iran aýdandarynan keletin jyly aýa massalaryna baılanysty ystyq jáne qurǵaq aýa raıy saqtalady. Keı jerlerde jel kúsheıip, ońtústikte shańdy daýyl turady», - delingen habarlamada.
