Qazaqstanda aldaǵy úsh kún jyly bolady
ASTANA. QazAqparat - Sınoptıkter 20-22 qarasha kúnderine aýa raıy boljamyn jarııalady, dep habarlaıdy QazAqparat «Qazgıdromet» RMK-ǵa silteme jasap.
«Atlant tsıklondarymen baılanysty aýa aǵyndary Qazaqstannyń búkil aýmaǵymen jyljıdy. Osyǵan baılanysty qar jaýýy múmkin, soltústikten kúshti jel, boran soǵady. Respýblıkanyń ońtústik jáne ońtústik-shyǵys oblystaryna Kaspııdiń ońtústiginen jyljyp kele jatqan tsıklonǵa baılanysty qar aralas jańbyr jaýyp, tuman túsýi múmkin, kóktaıǵaq bolyp, kúshti jel soǵýy yqtımal», - delingen habarlamada.
Sonymen qatar búkil Qazaqstan aýmaǵynda aýa temperatýrasy kóterilip, kópjyldyq ortasha mánge jýyq bolady, al soltústik oblystarda klımattyq normadan joǵary bolady.
