Qazaqstanda aldaǵy táýlikterde jaýyn- shashyndy bolmaq
ALMATY. QazAqparat - Qazaqstanda osy apta jaýyn-shashyndy bolmaq, shildeniń aptap ystyǵy birneshe kúnge «demin alady» dep boljanyp otyr, dep habarlaıdy QazAqparat tilshisi.
Qazaqstan aýmaǵyna arktıkalyq teńizderdiń jaǵalaýynan ylǵaldy, qońyr salqyn aýa kelip jetti. Sondyqtan, kóptegen oblystyń keı jerlerinde jaýyn jaýyp, aýa temperatýrasy klımattyq normadan 2-5ºS gradýsqa deıin tústi.
Tek, elimizdiń ońtústik-shyǵysynda ǵana qalyptan tys boldy, degenmen 40 gradýstyq aptap ystyqtyń beti qaıtty dep boljaıdy sınoptıkter.
«Aldaǵy úsh táýlikte Qazaqstan aýmaǵyna soltústikten kelgen aýa massasy ornaıdy, osyǵan baılanysty elimizdiń basym bóliginde jaýyn jaýyp, keı jerlerde burshaq túsedi. Ekpindi jel soǵyp, aýa temperatýrasy qalypty normadan 3-5ºS deıin tómendeıdi», - delingen Qazgıdromedtiń saıtynda.
Sondaı-aq Almaty da jańbyr jaýyp, kún kúrkireıdi, al Astana burshaq túsýi yqtımal .
