Qazaqstanda aldaǵy táýlikterde mınýs 5 gradýsqa deıin sýytady
NUR-SULTAN. QazAqparat - «Qazgıdromet» RMK aldaǵy táýlikterge elimizde kún sýytatyndyǵyn habarlaıdy.
Soltústik Oraldan jyljyǵan sýyq arktıkalyq aýa aǵyndarǵa baılanysty elimizdiń basym bóliginde salqyn aýa raıy kútiledi.
«Aldaǵy úsh táýlikte soltústik oblystarynda, kúndiz ortalyqta jańbyr, naızaǵaı, keı jerlerde burshaq bolýy yqtımal jáne aýa temperatýrasynyń kúrt tómendeýi kútiledi. Shamamen 30 gradýstyq ystyqtan keıin, kúndizgi aýa temperatýrasy 17-22 gradýsqa deıin tómendeıdi. Al elimizdiń shyǵysynda aldaǵy túnde jańbyrdyń sońy qarǵa ulasyp, 0-5 gradýs kún sýytady. Qazaqstannyń qalǵan aımaqtarynda naızaǵaımen birge ótkinshi jańbyr jaýyp, aýa temperatýrasy tómendeıdi», - delgen sınoptıkterdiń boljamynda.
