Qazaqstanda aldaǵy táýlikterde kún 25 gradýsqa deıin jylynady
NUR-SULTAN. QazAqparat - «Qazgıdromet» RMK 2-4 sáýirge aýa raıy boljamyn usyndy, dep habarlaıdy QazAqparat.
«Sáýir aıynda tsıklonmen baılanysty sınoptıkalyq protsester kúsheıe bastaıdy. Qazaqstannyń ortalyǵyndaǵy tsıklon 2 sáýirde shyǵysqa qaraı yǵysyp, onyń ornyn antıtsıklon basady. Keıin antıtsıklonnyń ornyna Jerorta teńiziniń shyǵys aımaǵynan kezekti tsıklon jyljıdy. Aldaǵy úsh kúndegi aýa raıy tsıklonǵa baılanysty bolady», - dep habarlady Qazgıdromette.
Respýblıkanyń basym bóliginde naızaǵaı oınap, jańbyr jaýady, qatty ekpindi jel soǵady. Aýa temperatýrasy ońtústikte plıýs 15...25° jáne soltústik oblystarda plıýs 5...15°S bolýy yqtımal.
