Qazaqstanda aldaǵy kúnderi kún ysıdy
NUR-SULTAN. QazAqparat – Sınoptıkter Qazaqstanda 19-21 qyrkúıek kúnderi qandaı aýa raıy bolatynyna boljam jasady, dep habarlaıdy QazAqparat.
Qazgıdromettiń málimdeýinshe, Iran aımaǵynan kele jatqan jyly aýa massalary Qazaqstannyń ońtústik, ortalyq jáne shyǵys oblystarynda temperatýranyń joǵarylaýyna sebepshi bolady. Atalǵan óńirlerde aldaǵy úsh táýlikte jazdaǵydaı jyly jáne jaýyn-shashynsyz aýa raıy bolady, kúndizgi aýa temperatýrasy 23…30°S, ońtústikte plıýs 30…35°S-qa deıin joǵarylaıdy.
Respýblıkanyń batys jáne soltústik oblystarynda aýa temperatýrasy tómendeıdi, keı jerlerde naızaǵaı jarqyldap jańbyr jaýady, kúshti jel soǵyp, burshaq jaýýy yqtımal.
