Qazaqstanda aldaǵy kúnder jańbyrly bolady - sınoptıkter
ASTANA. QazAqparat - «Qazgıdromet» RMK 2017 jyldyń 4-6 mamyrǵa kún raıy málimetin taratty.
«Mamyr aıyndaǵy kún raıy qubylmaly, 2 mamyr kúni Shyǵys Qazaqstan oblysynda qar jaýyp, keı jerlerinde jel turǵan bolsa, aldaǵy úsh táýlik ishinde antıtsıklonnyń yqpalymen aýa temperatýrasy +20...27 ºS deıin jylynady. Qazaqstanǵa Povolje aımaǵynan qaıtadan sýyq atmosferalyq aǵyn keledi. Onyń batystan shyǵysqa qaraı júrip otyrýyna baılanysty, Qazaqstannyń ońtústik-shyǵys jáne shyǵys óńirlerinen basqa barlyq aımaqtarda naızaǵaı oınap, jańbyr jaýady, keı jerlerde burshaq jaýyp, respýblıkanyń basym bóliginde aýa temperatýrasy tómendeıdi dep kútiledi», - delingen sınoptıkterdiń habarlamasynda.
Astanada 4 mamyr kúni ala bultty bolǵanymen, jaýyn-shashyn jaýmaıdy dep kútilýde. Batystan jáne ońtústik-batystan soǵatyn jeldiń jyldamdyǵy 9-14 m/s. Aýa temperatýrasy túnde +10+12 °S, kúndiz +23+25°S. 5 mamyr kúni: ala bultty, jaýyn-shashyn bolmaıdy. Ońtústik-batystan soqqan jeldiń jyldamdyǵy 7-12 m/s. Aýa temperatýrasy túnde +11+13°S, kúndiz +23+25°S. 6 mamyr kúni: ala bultty, keıde jańbyr jaýady. Soltústikten soqqan jeldiń jyldamdyǵy - 9-14 m/s. Aýa temperatýrasy túnde +8+10°S, kúndiz +17+19°S.
Almatyda 4 mamyrda kún ala bultty, jaýyn-shashyn bolmaıdy. Jel jyldamdyǵy - 0-5 m/s. Aýa temperatýrasy túnde +9+11°S, kúndiz +23+25°S. 5 mamyr kúni de ala bultty, kúndiz jańbyr jaýady. Jel ekpini 2-7 m/s. Aýa temperatýrasy túnde +14+16°S, kúndiz +26+28°S.
