Aldaǵy úsh kúnde jańbyr jaýyp, aýa temperatýrasy 28 gradýsqa deıin kóteriledi
ASTANA. KAZINFORM - 10-12 qyrkúıek aralyǵynda Qazaqstanda aýa raıy qubylmaly bolady. Jańbyr jaýyp, naızaǵaı oınaıdy jáne jel kúsheıedi. Soltústikte kún salqyndasa, ońtústikte jazǵy jyly aýa raıy saqtalady, dep habarlaıdy Qazgıdromet.
Aldaǵy kúnderi Qazaqstannyń basym bóliginde aýa raıyn soltústik-batys tsıklony jáne onymen baılanysty atmosferalyq aǵyndar aıqyndaıdy. Soǵan baılanysty jańbyr jaýyp, keı jerlerde naızaǵaı oınaıdy. Jel kúsheıip, aýa temperatýrasy birtindep tómendeıdi.
Eldiń ońtústik-shyǵysynda 12 qyrkúıekte jańbyr jaýady, jalpy óńirde kún jyly bolady.
Batysta tsıklon ótkennen keıin jaýyn-shashyn azaıady. Aýa raıy birtindep turaqtanady.
Soltústik jáne soltústik-batys óńirlerde aýa temperatýrasy +13...+23 gradýsqa deıin tómendeıdi. Ortalyqta +15...+25 gradýs aralyǵynda bolady. Batysta aýa temperatýrasy birtindep kóterilip, +20...+28 gradýsqa jetedi.
Osyǵan deıin Óskemende aýaǵa taraǵan úsh zııandy zattyń mólsheri shekti deńgeıden asyp ketkeni týraly jazdyq.
