Qazaqstanda aldaǵy úsh kúnde aýa raıy kúrt qubylady
ASTANA. KAZINFORM — «Qazgıdromet» RMQ 22–24 tamyzǵa arnalǵan aýa raıy boljamyn jarııalady.
Sınoptıkterdiń boljamynsha, soltústik-batys tsıklony jáne onymen baılanysty atmosferalyq fronttar Qazaqstannyń basym bóliginde jańbyr men naızaǵaı ákeledi. Keıbir aýdandarda qatty jańbyr jaýyp, burshaq túsýi múmkin.
Al Qazaqstannyń batys óńirlerine antıtsıklonnyń jotasy áser etedi. Sonyń nátıjesinde jaýyn-shashynsyz aýa raıy saqtalyp, aýa temperatýrasy kóteriledi. Kúndiz aýa temperatýrasy 34–39 gradýsqa deıin kóterilip, qatty ystyq bolady.
Bıyl aptap ystyq pen qurǵaqshylyq qaýpi birqatar óńirdegi egindi synaqqa saldy. Aýa raıy ónimge qanshalyqty áser etti jáne agrosektor klımattyń jańa jaǵdaıyna qanshalyqty beımdelip jatyr? Kazinform tilshisi osy suraqtarǵa mınıstrlik derekteri men sarapshylar baǵasy arqyly jaýap izdedi. Tolyǵyraq myna siltemeden oqyńyz.
