Qazaqstanda aldaǵy kúnderi qalyń qar jaýyp, boran soǵady
ASTANA. KAZINFORM — 2026 jylǵy 24–26 qazanǵa arnalǵan Qazaqstan aýmaǵy boıynsha aýa raıy boljamy jarııalandy, dep habarlaıdy «Qazgıdromet» RMK baspasóz qyzmeti.
Atmosferalyq fronttardyń ótýine baılanysty eldiń soltústigi men ońtústik-shyǵysynda, 24 qazanda shyǵysynda, sondaı-aq 24 jáne 26 qazanda Qaraǵandy oblysynda jaýyn-shashyn (negizinen qar túrinde) kútiledi. Mańǵystaý oblysynda azdaǵan jańbyr jaýyp, kúndiz naızaǵaı oınap, shańdy daýyl soǵýy múmkin.
24 qazanda eldiń shyǵysy men ońtústik-shyǵysynda qalyń qar jaýyp, boran soǵady dep boljanady. Batysta, soltústik-batysta jáne Ulytaý oblysynda jaýyn-shashynsyz aýa raıy kútiledi.
Respýblıka boıynsha tuman túsedi. Eldiń soltústiginde, shyǵysynda jáne ortalyǵynda kóktaıǵaq bolady. Ońtústik jáne ońtústik-shyǵys óńirlerde túnde 1–8 gradýs aıaz kútiledi.
Aýa temperatýrasy:
-
Batysta: kúndiz aýa temperatýrasynyń negizgi fony +11…+18°S bolady.
-
Soltústikte: túnde aýa temperatýrasy −4…−10°S-tan 0…+5°S-qa deıin joǵarylaıdy, kúndiz +2…+7°S-tan +6…+11°S-qa deıin azdap qubylady.
-
Ortalyqta: túnde aýa temperatýrasynyń negizgi fony −2…−10°S, kúndiz 0…+5°S-tan +5…+12°S-qa deıin birtindep joǵarylaıdy.
-
Shyǵysta: túnde aýa temperatýrasynyń negizgi fony −5…−10°S, oblystyń taýly aýdandarynda −13…−18°S bolady. Kúndiz −5…+5°S aralyǵynda kútiledi.
-
Ońtústikte: kúndiz aýa temperatýrasynyń negizgi fony +8…+15°S bolady.
-
Ońtústik-shyǵysta: kúndiz aýa temperatýrasy +2…+7°S-tan +6…+12°S-qa deıin azdap joǵarylaıdy, taýly aýdandarda −1…−6°S kútiledi.
Budan buryn aldaǵy úsh kúnde aıaz batystan bastalyp, ońtústikke qaraı jyljıtynyn jazǵan edik.
