Qazaqstanda aqyly júıe І-sanattaǵy avtojoldardyń 5 bóligine engiziletin boldy
Aktsıonerlik qoǵam taratqan aqparattarǵa qaraǵanda, aqyly júıe «Batys Eýropa-Batys Qytaı» (Qaınar-Taraz, Taraz-Shymkent, Shymkent-Qyzylorda, Shymkent-Tashkent), Şýchınsk-Kókshetaý, Qapshaǵaı-Taldyqorǵan (Taldyqorǵan q.aınalma joly), Nur-Sultan-Pavlodar, Aqtaý-Jetibaı-Jańaózen jáne Nur-Sultan, Qaraǵandy, Pavlodar qalalarynyń aınalma joldaryna engiziledi.
Qazirgi tańda jumys toby atalǵan ýchaskelerge qyzmettik saparlar uıymdastyryp, olardyń jaǵdaıyn tekserip jatyr. Júrip ótken jol úshin tólemaqy ýchaskeniń tehnıkalyq sanatqa tolyq sáıkestigi qamtamasyz etilgennen keıin ǵana alynatyn bolady.
Jańa aqyly ýchaskelerdegi tólemaqy mólsheri qoldanystaǵy aqyly joldarǵa (Nur-Sultan-Şýchınsk, Nur-Sultan-Temirtaý, Almaty-Qapshaǵaı, Almaty-Qorǵas) sáıkes esepteledi. Qazirgi tólem mólsherlemeleri 2013 jyly engizilip, ózgeriske ushyramaǵanyn jáne tarıfti qymbattatý máselesi qarastyrylmaǵanyn habarlaımyz:
Jeńil kólikter úshin 1 shaqyrym úshin 1 teńge. Aqyly ýchaskege qarasty eldi mekende tirkelgen jeńil avtokólik ıelerine quny 1000 teńgeni quraıtyn bir jyldyq abonement bar;
Avtobýstar otyratyn oryn sanyna baılanysty 1 shaqyrym úshin 5 teńgeden 15 teńgege deıin, qalaaralyq jáne jergilikti reıstik avtobýstar tólemaqydan bosatylǵan;
Júk kólikteriniń júk kótergishtigine baılanysty 1 shaqyrym úshin 5 teńgeden 25 teńgege deıin.
Aqyly joldardy engizý barysynda jol boıyndaǵy ınfraqurylym da eskeriledi. Bul júrgizýshiler men jolaýshylardyń qolaılyǵy úshin salynatyn keshender. Demalys alańdary, turaqtar, qonaq úıler, sýpermarketter, dárethanalar, dárihanalar jáne t.b.
«2024 jyldyń sońyna deıin respýblıkalyq mańyzy bar avtojoldardyń, sonymen qatar, aqyly ýchaskelerdiń boıynda 134 keshenniń qurylysy týraly «GasEnergy», «QazTransGaz», «Compass», «Sinooil», «PetroRetail» men «M-36» jelilik janar-jaǵarmaı quıý beketterimen kelisimderge qol qoıyldy»,-delingen habarlamada.