Qazaqstanda aqyly joldarǵa abonenttik tólemder engiziledi
«Astana-Býrabaı» aqyly avtobanynda biz bıyl 1 mlrd. 129 mln. teńge jınaýdy josparlap otyrmyz. Ótken jyly 1 mlrd. 65 mln. teńge bolǵan edi, ıaǵnı bıyl birshama artyqtaý jınalady dep kútilýde. Aqyly joldaǵy termınaldarda aqsha qabyldaıtyn qurylǵylar boıynsha másleler boldy. Keıbir jaǵdaıda olardyń jumysynda kemshilikter oryn alyp jatady. Osy oraıda tólem jasaýdyń túrli ádisterin qarastyrdyq. Óıtkeni, jolda kezek jınalyp qalatyn kezder bolady. Adamdar tólem jasap úlgermeı jatady»,-dedi ol.
Onyń sózinshe, atalǵan aqsha qabyldaıtyn qurylǵylar frantsýzdyq bolǵandyqtan, oǵan bólshekterdi tapsyrys arqyly aldyrý kerek bolady. Sondaı-aq bul bólshekterdi aldyrtý qymbatqa túsýde.
U. Álipov búginde atalǵan jolda júrýdiń aqysyn aldyn ala tóleý múmindikteri bar ekenin eske salyp ótti. Ár saýda oryndaryndaǵy termınaldarǵa kólikterdiń memlekettik nómirin engizý arqyly tólemderdi jiberýge bolady. Kólik joldan júrgen kezde avtomobıl ıesiniń shotynan aqsha sheshilip otyrady.
«Astanada jáne Býrabaıda birinshi jolaq qolma-qol aqsha tóleminsiz júrýge negizdelgen. Bul jolaqta esh toqtaýsyz óte berýge bolady. Adamdar osy tólem júıesine úırengennen keıin bundaı jolaqtardyń sanyn arttyramyz»,-dedi ol.
Sonymen qatar U. Álipov abonenttik tólemdi engizý baǵdarlamasy ázirlenip jatqandyǵyn atap ótti. Jeńil kólikter úshin jyldyq, jartyjyldyq jáne toqsandyq abonenttik tólemdi jasaý qarastyrylýda.
