Qazaqstanda aqyly joldardy engizý merzimi belgili boldy
«Kólik tasqyndaryn basqarýdyń tıimdiligin, tasymaldaýdyń qaýipsizdigin kúsheıtý, sondaı-aq qozǵalystyń jyldamdyǵyn arttyrý úshin qazirgi ýaqytta Mınıstrlikpen avıatasymaldaý, jol qurylysy jáne kólik salasynda birneshe júıelerdi qurý boıynsha belsendi jumys júrgizilýde. Osy úshin kezeń-kezeńmen endiriletin 11 komponentten turatyn Zııatkerlik kóliktik júıesi (ZKJ) qurylýda», - dep toqtaldy mınıstr.
Osy oraıda birinshi komponent negizgi kólik dálizderinde ornatylatyn arnaıy avtomattandyrylǵan ólsheý quraldaryna arnalǵan.
«Budan basqa, avtojoldardy paıdalaný úshin qarajattardy jınaqtaýdy avtomattandyrý boıynsha tehnıkalyq sheshimder Kesheni qurylýda. Ózderińizge belgili, atalǵan júıe 2013 jyldan beri Astana-Şýche ýchaskesinde oıdaǵydaı qyzmet etýde jáne jyl saıyn 1,2 mlrd teńge qarjy jınaqtalady, ol atalǵan joldy kútip-ustaýǵa ketetin barlyq shyǵyndardy óteıdi. Bıyl jyl saıynǵy qarajat jınaqtalýy 3,9 mlrd teńgeni quraıtyn jalpy uzaqtyǵy 469 shaqyrymdyq «Almaty-Temirtaý», «Almaty-Qapshaǵaı» jáne «Almaty-Qorǵas» ýchaskelerinde tólemaqy alý júıesin engizý boıynsha jumystar atqarylýda. Sonymen qatar, jalpy uzaqtyǵy 5,5 myń shaqyrymdyq 13 ýchaskede tólemaqy alý júıesin jobalaý boıynsha jumystar aıaqtalýda. Jalpy, 2020 jylǵa deıin tólemaqy alý júıesin 16 ýchaskede engizý josparlanýda», - dedi mınıstr.
Belgili bolǵandaı, joldardaǵy jaǵdaıdan júrgizýshilerdi aqparattandyrýǵa múmkindik beretin jol qozǵalysyn basqarý júıesi, avtojoldar janynda meteobeket jelisi arqyly klımattyq jaǵdaılardy boljaý men taldaý júıesi, beıne-monıtorıng jáne JJE buzýshylyǵyn anyqtaý júıesi (beıne jáne fotoanyqtaý úshin kameralar jelisi) men basqa da qajetti qadamdardy qamtıtyn ózge komponentterdi júzege asyrý 2018-2022 jyldar aralyǵynda kezeń-kezeńmen engiziletin bolady.
