Qazaqstanda aqyly joldarda júrý quny qashan ósetini aıtyldy
«Birneshe jyldan beri Astana men Býrabaı aralyǵyndaǵy jolda aqyly júıe qyzmet etip keledi. Ózińiz atap ótkendeı, osy jolmen júrý quny da ózgeriske ushyraǵan joq. Degenmen de bolashaqta aqyly joldyń qunyn kóterý josparlaryńyzda bar ma?» - dep surady Jeksenbaı Dúısebaev Májilistegi Úkimet saǵaty barysynda.
Óz kezeginde Investıtsııalar jáne damý mınıstri Jeńis Qasymbek 4-5 jyldan beri «Astana-Býrabaı» jolynda júrý quny ózgermegenin aıta kele, onyń jeńil kólikterge shaqyrymyna 1 teńge, al júk kólikterine 6-8 teńgege deıin jetetinin atap ótti.
«Aldaǵy 1-2 jylda baǵany kóterý josparymyzda joq. Biraq bolashaqta jolda júrý aqysyn kóterý kerek dep sanaımyz. Sebebi, qurylys materıaldarynyń baǵasy ósip jatqany belgili. Sonymen qatar joldy kútip ustaý janar-jaǵarmaı kóp kólemde qajettilik etedi. Osy oraıda otyn baǵasy ósip jatyr. Sondyqtan qazir emes, alaıda 2-3 jyldan keıin osy máseleni qaıta talqylaýǵa salamyz dep oılaımyz»,-dedi mınıstr.
