Qazaqstanda aqyly joldar sany artady
QR Indýstrııa jáne ınfraqurylymdyq damý mınıstri Beıbit Atamqulovtyń aıtýynsha, ınvestıtsııalyq baıqaýdyń qorytyndysy boıynsha 3 birdeı kompanııamen kelisimge qol qoıylǵan. Olar uzyndyǵy 11 myń shaqyrym bolatyn joldarda aqy jınaý júıesin qosýmen jáne qyzmet kórsetýmen aınalysady.
Bıyl mundaı qurylǵylar elimizdegi joldardyń 5,8 myń shaqyrym ýchaskisine ornatylǵan. Atap aıtsaq, «Aqtóbe – RF sh-sy (Orynborǵa)», «Oral – RF sh-sy (Saratovqa)», «Oral – RF sh-sy (Samaraǵa)». «Atyraý – Dossor – Beıneý – Aqjigit – Ózbekstan sh-sy», «Taraz – Qaınar», «Qostanaı – RF (Troıtskke)», «Pavlodar – RF sh-sy (Ombyǵa), «Qapshaǵaı – Taldyqorǵan», «Nur-Sultan – Qostanaı», «Nur-Sultan – Pavlodar», «Pavlodar – Semeı», «Oral – Aqtóbe», «Aqtóbe – Qarabutaq».
Joldyń qalǵan 5,2 myń shaqyrymynda qaıta qurý jumystarynyń aıaqtalýyna qaraı, 2024 jylǵa qaraı iske qosý josparlanyp otyr.
Jyl sońyna deıin 99 baqylaý arkasy ornatylyp, olar tolyqtaı ınvestordyń qarajatyna salynbaq. Árbir baqylaý arkasynda tirkeý jáne sholý jasaıtyn kameralar, ónerkásiptik kompıýter men apparattyq shkaf, lazerlik qashyqtyq ólsheýish pen úzdiksiz qýat berý kózi retindegi lıtıı-ıondy akkýmýlıatorlar bolady.
Sala mamandary keı jerlerde kún batareıalarymen balamaly qýat kózderi qoıylyp, uıaly baılanys ta qamtamasyz etiletinin atap ótýde. Budan bólek, jol qaýipsizdigin eskergen mamandar elimizde IRAP halyqaralyq baǵalaý júıesi engiziletinin aıtady.
QR Indýstrııa jáne ınfraqurylymdyq damý mınıstri Beıbit Atamqulov jaǵdaıdy retteý úshin Dúnıejúzilik banktiń qoldaýymen Shvetsııanyń SweRoad kompanııasymen jáne Qazaq jol qozǵalysy qaýipsizdigi ǵylymı-zertteý ınstıtýtymen kelisimshartqa qol qoıdy. Joba aıasynda 6200 shaqyrym qalalyq jáne respýblıkalyq mańyzy bar avtomobıl joldary baǵalaýdan ótkizilmek. Baǵalaý túsirilimderin «Jol aktıvteri sapasy ulttyq ortalyǵy» RMK bilikti mamandary oryndamaq. Olar ár 100 metr saıyn joldy 50-den astam parametr arqyly ólshep, tirkeıdi. 5 baldyq shkala boıynsha avtomobıl ishindegi jol júrisine qatysýshylarǵa, sondaı-aq jaıaý júrginshilerge, mototsıkl júrgizýshilerine jáne velosıpedshilerge bólek taǵaıyndalady. Baǵalaý aıaqtalǵannan keıin árbir joldyń reıtıngi anyqtalady. Osylaısha jol apattaryn, ólim-jitimdi azaıtý úshin, kemshilikterdi joıý úshin is-sharalar qolǵa alynbaq. Oǵan arnaıy ınvestıtsııalyq jospar jasalmaq. Aıta keteıik, elimizde ótken jyly 2373 adam jol apatynan kóz jumǵan. Bul degenimiz, árbir 100 myń adamnyń 13-i jazym bolyp jatyr degen sóz.
