Qazaqstanda AQTV juqtyrǵan áıelder sanynyń kúrt artýy alańdatyp otyr - Májilis depýtaty Z.Amanjolova
ALMATY. QazAqparat - AQTV juqtyrǵan áıelderdiń sany kúrt artýy Qazaqstan bıligin alańdatyp otyr. Almatyda ótken USAID uıymynyń Ortalyq Azııadaǵy AQTV tralýymen kúres boıynsha jańa baǵdarlamanyń tusaýkeseri barysynda QR Parlamenti Májilisiniń depýtaty Záýresh Amanjolova osylaı málim etti.
Onyń aıtýynsha, juqpaly aýrýdy anyqtaýdyń barlyq kórsetkishteri qajetti deńgeıde bolǵanymen, bılikti alańdatyp otyrǵan birqatar kórsetkishter bar.
«Bizdi alańdatyp otyrǵan birshama kórsetkish bar. Ol derttiń halyqtyń jalpy popýlıatsııasy arasynda keńinen tarala bastaýy, áıelder sanynyń artýy. Atalǵan dert Qazaqstanda tirkelgen ýaqytta 10 er adamǵa 1 naýqas áıelden keletin. Qazir 1 er adamǵa 1,3 áıelden kelip otyr. Óte qaýipti kórsetkish. Óıtkeni, áıel - ana, ol deni saý urpaqty jalǵastyrýshy. Elimizde osy kórsetkishti jaqsartýǵa barynsha jaǵdaı jasalyp jatyr. Búgin tusaýy kesilip otyrǵan USAID-tiń baǵdarlamasy osyǵan yqpal jasaıdy dep senemiz. Sondaı-aq, QR DSÁM 2016-2019 jyldarǵa arnalǵan «Densaýlyq» baǵdarlamasy jáne bar», - dedi Májilis depýtaty, QR Parlamentiniń áleýmettik mádenı damý komıtetiniń múshesi Záýresh Amanjolova.
QR DSÁM Medıtsınalyq kómekti uıymdastyrý departamentiniń basshysy Baýyrjan Baıserkınniń aıtýynsha, qazirgi tańda AQTV juqtyrǵandardyń arasynda ınektsııalyq jolmen juǵýdan góri jynystyq qatynaspen juǵý kórsetkishi artyp keledi. Mundaı kórinis tek Qazaqstanda emes, álemdik deńgeıde beleń alyp otyr.
«Búginde Qazaqstanda AQTV juqtyrǵan 17 726 adam tirkeýde tur. Olardyń 50 paıyzy vırýsty ınektsııalyq jolmen juqtyrsa, 44 paıyzy jynystyq jolmen juqtyrǵan. Olardyń emdelýi, dıagnostıkalyq tekserýge alynýy tolyq baqylaýda. Qazirgi tańda aýrýmen kúreste eshqandaı zamanaýı tásil jasalǵan joq. Tek salaýatty ómir saltymen aınalysyp, qaýipsiz jynystyq qatynasty tańdaý kerek. Halyqty habarlandyrý, aqparattandyrý asa mańyzdy másele. ıÝSAID-tyń jańa baǵdarlamasy osyǵan baǵyttalǵan», - dedi B.Baıserkın.
Aıta ketý kerek, USAID Ortalyq Azııadaǵy AQTV tralýymen kúres boıynsha jańa baǵdarlama qabyldady. «Kóshbasy» jobasy aıasynda Qazaqstandaǵy aýrýdyń taralýymen kúreske 5 jyl ishinde 8 mln dollar baǵyttalmaq. Atalǵan baǵdarlama Qyrǵyz Respýblıkasy, Tájikstan, Ózbekstan elderinde de júrgiziledi. Jobanyń jalpy quny 37 mln AQSh dollary bolyp otyr. Ár elge atalǵan somanyń 20 paıyzy bólinedi.
Pılottyq joba ShQO jáne Pavlodar oblystarynda júzege asyrylatyn bolady.
Mamandardyń aıtýynsha, atalǵan aýmaqtarda vırýsty juqtyrý kórsetkishi basqa óńirlerge qaraǵanda asa joǵary bolyp otyr.
