Qazaqstanda AQTQ aýrýyna shaldyqqan jandar tıisti erejeniń joqtyǵynan bala súıe almaıdy
ASTANA. QazAqparat - Qazaqstanda AQTQ aýrýyna shaldyqqan jandar tıisti erejeniń joqtyǵynan bala súıý quqyǵyna qol jetkize almaı keledi. Bul týraly búgin Astanada bastalǵan «Qosalqy reprodýktıvti tehnologııalar jáne AQTQ» taqyrybyndaǵy ǵylymı-tájirıbelik konferentsııada bıologııa ǵylymdarynyń doktory, reprodýktolog-embrıolog Saltanat Baıqoshqarova málim etti.
«Biz AQTQ aýrýyna shaldyqqan adamdarǵa qosalqy reprodýktıvti tehnologııalardy qoldaný arqyly, olardy jasandy uryqtandyrýǵa múmkindik beretin arnaıy retteýshi buıryqty jasaqtaý úshin Densaýlyq saqtaý mınıstrligine reprodýktologtar men epıdemıologtardan quralǵan topty qurý jóninde usynyspen shyqpaqpyz», - deıdi S. Baıqoshqarova.
Onyń aıtýynsha, atalmysh buıryqsyz dárigerler AQTQ-ǵa dýshar bolǵan adamdarǵa deni saý balany dúnıege ákelýge kómektese almaıdy. Reseıde bundaı reglament qazirden bastap jumys isteı bastaǵan.
«Qazaqstandyq reprodýktıvtik tehnologııalar AQTQ juqtyrǵan patsıentterge deni saý balany dúnıege ákelýge kómektese alady. Biraq bizdiń elde arnaıy buıryqtyń joqtyǵynan bizdiń qolymyz baılaýly. Sondyqtan biz olardy Reseıge jiberýge májbúrmiz», - dedi ol.
