Qazaqstanda aqparattyq qaýipsizdikti kúsheıtý maqsatynda jumys toby quryldy

ASTANA.KAZINFORM — Premer-mınıstr Oljas Bektenovtiń 2025 jylǵy 22 mamyrdaǵy ókimimen aqparattyq keńistiktiń qaýipsizdigin arttyrý boıynsha usynystar men usynymdar ázirleý úshin vedomstvoaralyq jumys toby quryldy.

— Aqparattyq keńistiktiń qaýipsizdigin kúsheıtý boıynsha usynystar men usynymdar ázirleý úshin vedomstvoaralyq jumys tobyn qurý  — delingen qujatta.

Sondaı-aq jumys tobyna 2025 jylǵy 31 qazanǵa deıin aqparattyq keńistiktiń qaýipsizdigin arttyrý jónindegi usynystar men usynymdardy Úkimet Apparatyna usyný tapsyryldy.

Al, atalǵan ókimniń oryndalýyn baqylaý premer-mınıstrdiń orynbasary Erlan Qosherbaevqa júkteldi.

Jumys tobynyń quramyna myna laýazymdy tulǵalar endi:

Premer-mınıstrdiń orynbasary — top jetekshisi;

Mádenıet jáne aqparat mınıstri — jetekshiniń orynbasary;

Mádenıet jáne aqparat vıtse-mınıstri — hatshy;

Ulttyq qaýipsizdik komıteti tóraǵasynyń orynbasary (kelisim boıynsha);

Qarjylyq monıtorıng agenttigi tóraǵasynyń orynbasary (kelisim boıynsha);

Syrtqy ister mınıstriniń orynbasary;

Іshki ister mınıstriniń orynbasary;

Tsıfrlyq damý, ınnovatsııalar jáne aeroǵarysh ónerkásibi vıtse-mınıstri;

Qaýipsizdik keńesi Hatshylyǵynyń qaýipsizdik máseleleri bólimi sektorynyń meńgerýshisi (kelisim boıynsha);

Prezıdent ákimshiliginiń kommýnıkatsııalar bólimi sektorynyń meńgerýshisi (kelisim boıynsha);

Prezıdent ákimshiliginiń tsıfrlandyrýdy damytý bólimi sektorynyń meńgerýshisi (kelisim boıynsha);

Úkimet apparatynyń áleýmettik damý bólimi meńgerýshisi.

Buǵan deıin, Oljas Bektenov Memleket basshysynyń tapsyrmalaryn oryndaý boıynsha keńes ótkizgenin habarlaǵanbyz.