Qazaqstanda aqparattardy saqtaý men óńdeýdiń jańa Big Data tehnologııasyn engizý josparlanýda
ASTANA. 21 mamyr. QazAqparat - Qazaqstanda aqparattardy saqtaý men óńdeýdiń jańa Big Data tehnologııasyn engizý josparlanýda. Bul týraly búgin halyqaralyq kórme-konferentsııanyń ashylýy barysynda QR Kólik jáne kommýnıkatsııa vıtse-mınıstri Sáken Sársenov málim etti, dep habarlaıdy QR Prezıdenti janyndaǵy Ortalyq kommýnıkatsııalar qyzmetiniń resmı saıty.
Onyń aıtýyna qaraǵanda, bul búgingi kúni álemdegi eń jyldam damyp kele jatqan tehnologııalardyń biri.
«International Data Corporation-nyń zertteýleriniń málimetterine qaraǵanda, saqtalatyn aqparattardyń kólemi jyl saıyn 40% ósip otyrady», - deıdi Sáken Sársenov. Mysaly, 2012 jyly álemde 2,43 zettabaıt aqparat qurastyrylǵan, bul 2010 jylǵa qaraǵanda eki ese kóp (1 zettabaıt 1 mıllıard gıgabaıtqa teń).
Mamandardyń baǵalaýynsha, «úlken málimetter» tehnologııasyn engizý jáne qoldaný memlekettik basqarýdy anaǵurlym tıimdi etip, halyqtyń qoǵamdyq ómirin jeńildetedi. Mysaly, Brazılııanyń Vıttorıa-da-Konkısta qalasynda ár oqýshynyń mektepke kıetin kıimine BigData tehnologııasyn qoldanatyn qurylǵylar ornatylǵan. Bul turpattaǵy ádis boıynsha, bala mektep tabaldyryǵyn attaǵan boıda-aq onyń kim ekeni tanylatyn bolady. Eger ol mektepke kelmegen bolsa, sabaqqa kirýge soǵylǵan qońyraýdan 20 mınýttan keıin balanyń joq ekendigi týraly ata-anasyna habarlanady.
Kólik jáne kommýnıkatsııa vıtse-mınıstri S. Sársenov vedomstvo óz aldyna BigData jańa tehnologııasyn engizý boıynsha aýqymdy maqsattardy qoıyp otyrǵanyn atap óte kelip, bul Qazaqstandy AKT salasynyń aldyńǵy qataryna shyǵaratynyn jetkizdi.
