Qazaqstanda ákimshilik qamaýǵa alý 30 táýlikke deıin qysqardy

ASTANA. QazAqparat - Jańa Ákimshilik quqyqbuzýshylyq týraly kodekste Qazaqstandaǵy ákimshilik qamaýǵa alý merzimi 30 táýlikke deıin qysqartyldy. Bul týraly búgin Astanada Ortalyq kommýnıkatsııalar qyzmetindegi brıfıngte QR Ádilet vıtse-mınıstri Záýresh Baımoldına málim etti.

«Ákimshilik qamaýǵa alý sharasy ákimshilik jaza retinde árıne saqtaldy. Alaıda, onyń merzimi 30 táýlikke deıin qysqartyldy. Tek TJ rejimi jaǵdaıynda ǵana ákimshilik qamaý 45 táýlikke jetýi múmkin»,- dedi ol.

Sonymen qatar jańa Kodekste ákimshilik qamaýǵa alý qoldanylatyn ákimshilik quqyq buzýshylyqtardyń quramy qysqardy. Endi ol otyz bapta qarastyrylǵan, al osynyń aldyndaǵy Kodekste 69 bapta qamtylǵan edi.

Esterińizge sala keteıik, 2015 jyldyń 1 qańtarynan bastap jańa Kodeks kúshine engen bolatyn.