Qazaqstanda ákimshilik aıyppuldar mólsheri tómendetilmek
ASTANA. QazAqparat - Ákimshilik jazalar aıasynda 157 quram boıynsha aıyppul mólsherin tómendetý usynylyp otyr. Bul týraly Májiliste «QR Ákimshilik quqyq buzýshylyq týraly kodeksine ózgerister men tolyqtyrýar engizý týraly» zań jobasyn tanystyrý barysynda Ádilet vıtse-mınıstri Záýresh Baımoldına málim etti, dep habarlaıdy QazAqparat.
«Ákimshilik quqyq buzýshylyqtardyń 345 quramy boıynsha sanktsııalar jeńildeıdi. Onyń ishinde 157 quram boıynsha aıyppul mólsherin tómendeý eskerilip otyr. Sonymen qatar eskertý ınstıtýtyn keńeıtý de qarastyrylǵan, ıaǵnı «eskertý jasaý» jazasyn eskeretin quramdardyń sanyn 38-ge deıin kóbeıtý jáne jáne 30 quram boıynsha jazany qaıta qaraý qamtylǵan», - dedi Baımoldına.
QR Іshki ister vıtse-mınıstri Erlan Turǵymbaevtyń sózine qaraǵanda, asa qaýip tóndirmegen quqyq buzýshylyqtar turǵysynda aıppul mólsherin azaıtý eskerilgen.
«Sońǵy úsh jylda bizde jol-kólik oqıǵalarynyń sany azaıyp keledi. Osy oraıda apat saldarynan jaraqat alǵandar men qaza bolǵan adamdar da azaıdy. Sondyqtan zańnamany izgilendirý men aıppuldar mólsherin azaıtý qadamyna baryp otyrmyz»,- dedi tilshilerge bergen suhbatynda E. Turǵymbaev.
