Qazaqstanda «aqyldy» qalalar men óńirlerdi damytýdyń jańa tásili engiziledi

Mınıstrliktiń málimetinshe, qujat jasandy ıntellekt, derekter jáne zamanaýı tsıfrlyq tehnologııalar negizinde óńirlerdi tsıfrlyq transformatsııalaýdyń biryńǵaı tásilderin aıqyndaıdy.

— Jańartylǵan ádisteme Memleket basshysynyń tapsyrmalaryn oryndaý maqsatynda ázirlenip, jekelegen tsıfrlyq jobalardy iske asyrýdan aýmaqtardy basqarýdyń biryńǵaı ıntellektýaldy júıesin, ıaǵnı AI-Native cities & regions modelin qalyptastyrýǵa kóshýdi kózdeıdi. Bul modelde jasandy ıntellekt, derekter jáne tsıfrlyq tehnologııalar memlekettik basqarýdyń negizgi negizine aınalady, — delingen habarlamada.

Ádistemedegi negizgi jańashyldyqtardyń biri — jobalardy biryńǵaı arhıtektýralyq jáne fýnktsıonaldyq talaptar negizinde iske asyrýǵa kóshý boldy. Bul aqparattyq júıelerdiń qaıtalanýyn boldyrmaýǵa, olardyń ózara úılesimdiligin qamtamasyz etýge, ázirleý jáne súıemeldeý shyǵyndaryn azaıtýǵa, sondaı-aq óńirlerdiń biryńǵaı tsıfrlyq kontýryn qalyptastyrýǵa múmkindik beredi.

Mindetti bastamalar tizimi de edáýir keńeıtildi. Kólik, turǵyn úı-kommýnaldyq sharýashylyq jáne qoǵamdyq qaýipsizdik salalaryndaǵy bazalyq jobalarmen qatar, Ádistemege tsıfrlyq damýdyń jańa baǵyttary engizildi:

— ushqyshsyz avıatsııalyq júıelerdiń (UAJ) ınfraqurylymy;

— áleýmettik mańyzy bar taýarlardyń baǵalaryn ıntellektýaldy monıtorıngteý;

— tsıfrlyq ınfraqurylymy bar qos maqsattaǵy tirekter;

— bilim berý uıymdarynda ınternettiń qoljetimdiligin baqylaý;

— máslıhattardyń qyzmetin tsıfrlandyrý;

— óńirlik IT-habtar men aýdandyq IT-ortalyqtardy damytý.

Sonymen qatar «aqyldy» aıaldamalardy, tsıfrlyq mýzeıler men kitaphanalardy, 3D/VR týrlardy, sondaı-aq avtomobıl joldarynyń sapasyn monıtorıngteý júıelerin engizý kózdelgen.

Aýmaqtardy basqarýda jasandy ıntellektini qoldanýǵa erekshe kóńil bólinedi. Óńirlik taldaý ortalyqtary, Data Lake jáne ıntellektýaldy servıster oqıǵalarǵa áreket etýden olardy aldyn ala boljaýǵa jáne derekter negizinde sheshim qabyldaýǵa kóshýge, osylaısha óńirlerdi basqarýdyń AI-Native modelin engizýge múmkindik beredi.

Vedomstvo atap ótkendeı, jańa ádistemeniń bekitilýi Digital Qazaqstan jalpyulttyq strategııasyn iske asyrý jáne elimizdiń zamanaýı tsıfrlyq ınfraqurylymyn qalyptastyrý jolyndaǵy mańyzdy kezeń bolyp tabylady. Qujat óńirler arasynda úzdik sheshimderdi masshtabtaýǵa, ıntellektýaldy qalalar men óńirlerdi damytýǵa, memlekettik basqarýdyń tıimdiligin jáne azamattardyń ómir súrý sapasyn arttyrýǵa negiz bolady.

Qazir mınıstrlik jergilikti atqarýshy organdarmen birlesip, ádisteme talaptaryn praktıkalyq iske asyrýǵa jáne Qazaqstan Respýblıkasynyń barlyq óńirinde AI-Native cities & regions biryńǵaı modelin engizýge kirisedi.

Budan buryn Úkimet tsıfrlandyrý men jasandy ıntellektini damytýdyń aýqymdy josparyn iske asyryp jatqanyn jazǵan edik.