Qazaqstanda aqbókenderdiń sany 334 myńǵa jetti
QR Ekologııa, geologııa jáne tabıǵı resýrstar mınıstri Maǵzum Myrzaǵalıev osyndaı málimet keltirdi, dep habarlaıdy QazAqparat tilshisi.
«Janýarlar dúnıesi salasynda sırek kezdesetin jáne joıylyp bara jatqan tuıaqty janýarlar, ásirese, aqbókenderdi saqtaý jáne kóbeıtý jumystary júrgizilýde. Aqbókenderdi kóbeıtýdiń oń dınamıkasy baıqalyp otyr. Aqbóken sany byltyrǵy jylmen salystyrǵanda 55 paıyzǵa ósip, 334 myń basqa jetti», - dedi Maǵzum Myrzaǵalıev OKQ-da ótken baspasóz máslıhatynda.
Alaıda mınıstr aqbókendi aýlaý oqıǵasy azaımaı turǵanyn aıtady. Máselen, bıyl 63 brakonerlik faktisi anyqtalyp, 1058 múıiz jáne 650 ushasy tárkilengen.
«Ókinishke qaraı, búgin de brakonerlik uıymdasqan qylmys túrine aınaldy. Ony 3 ınspektordyń mert bolýy, soǵan baılanysty týyndaǵan qoǵamdyq pikirler aıǵaqtaıdy. Brakonerlikke qarsy is-qımyl jáne zańnamany qatańdatý jónindegi sharalardy kúsheıtý máselesi Memleket basshysynyń erekshe baqylaýynda. Mınıstrlik Bas prokýratýramen, Іshki ister mınıstrligi jáne Ultyq qaipsizdik komıtıtetimen birlesip tıisti sharalardy pysyqtady. Qazir Parlament Senatynda qylmystyq zańnamany jetildirý máseleleri jónindegi zań jobasy qarastyrylyp jatyr. Onda memlekettik ınspektorlarǵa qatysty kúsh qoldanǵany úshin jaýapkershilik aıtarlyqtaı kúsheıedi», - dedi ol.
Maǵzum Myrzaǵalıev zańnamany jetildirýmen qatar, ınspektorlardyń biliktiligin arttyrý men materıaldyq-tehnıkalyq jaraqtandyrý jumystary qolǵa alynǵanyn, tıisti oqý kýrstary men trenıngter ótkizilgenin aıtyp ótti.
«Qazir Memleket basshysy ekologııaǵa asa mán berip otyrǵany belgili. Halyq úshin de mańyzy zor bul jumystar aldaǵy jyly óz jalǵasyn tabady. Barlyq qoıylǵan mindetter men maqsattar 100 paıyz iske asady dep senemin», - dedi mınıstr.
