Qazaqstanda «aq hakerler» qyzmeti basqa baǵytta júrgizilýi múmkin

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstrligi Kıbershabýyldardy taldaý jáne tergeý ortalyǵymen birlesip, aqparattyq qaýipsizdik jónindegi Bugbounty osaldyqtyń jeke platformasyn pılottyq rejımde iske qosty, dep habarlaıdy QazAqparat tilshisi.

«BugBounty saıtynda 1100-den astam táýelsiz kıberqaýipsizdik sarapshylary tirkelgen. Olardan osaldyqtar týraly habarlamalarmen 1200-den astam esep alyndy. Olardyń keıbireýleri synı turǵydan durys. Atap aıtqanda, Nur-Sultan qalasynyń sýmen jabdyqtaý júıesin basqarýǵa qol jetimdilik, «elektrondyq úkimettiń» osaldyǵy, 7 mıllıon medıtsınalyq derekterdiń, sondaı-aq eldiń birneshe iri bankterindegi azamattardyń banktik derekteriniń syrtqa shyǵyp ketýi múmkin. Keıbir esepter boıynsha 15 mıllıon teńge mólsherinde tólemder júzege asyryldy», - delingen «Ashyq NQA» saıtynda ornalastyrylǵan «Kıberqalqan – 2» tsıfrlyq ekojúıeni damytýdyń 2022-2027 jyldarǵa arnalǵan tujyrymdamasy jobasynda.

Búgingi tańda qazaqstandyq kompanııa BugBounty engizý boıynsha Qyrǵyzstan men Ózbekstannyń Ulttyq retteýshilerimen memorandýmdar jasasqan.

Tujyrymdama jobasyn qoǵamdyq talqylaý 2022 jylǵy 5 qyrkúıekke deıin jalǵasady.