Qazaqstanda AITV ınfektsııasyn juqtyrǵan 30 558 adam bar – Ajar Ǵınııat
ASTANA. QazAqparat – Ótken jyldyń qorytyndysy boıynsha elde AITV-men ómir súretin 30 558 adam turady. Úkimet otyrysynda baıandama jasaǵan Densaýlyq saqtaý mınıstri Ajar Ǵınııat osylaı málim etti, dep habarlaıdy QazAqparat tilshisi.
«2022 jyldyń qorytyndysy boıynsha elde AITV-men ómir súretin 30 558 adam turady. Byltyr 3 877 jańa jaǵdaı tirkeldi. Bul rette erkekter (67,2%) áıelderge (32,8%) qaraǵanda 2 ese kóp anyqtaldy. 82%-y 18-49 jas aralyǵyndaǵy eńbekke qabiletti halyqqa tıesili. Jynystyq jolmen berilý basym. Ol 75%-dy quraıdy. Odan keıin ınektsııalyq jolmen beriledi. Onyń kólemi -20%», - dedi Ajar Ǵınııat.
Mınıstr málimdegendeı, sońǵy 10 jyl ishinde Qazaqstanda adamnyń ımmýn tapshylyǵy vırýsynyń (AITV) ınfektsııasymen syrqattanýshylyq 2 esege artty.
