Qazaqstanda AI-92 benzıniniń jetkilikti qory bar - V.Shkolnık

ASTANA. QazAqparat - Qazaqstanda AI-92 benzıniniń jetkilikti qory bar. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Energetıka mınıstri Vladımır Shkolnık aıtty.

«Búgin biz óń ótimdi AI-92/93 benzınderi jaıynda aıtatyn bolamyz. Ózderińizde biletindeı, biz ony jylyna 2 mln. tonna kóleminde óndiremiz, al qajettilik jylyna 3 mln. tonna. 1 mln. tonnany biz syrttan ákelemiz»,- dedi ol.

Mınıstrdiń aıtýynsha, Reseıde AI-92 benzıniniń 1 lıtri 143 teńge bolsa, bizdegi ortasha baǵasy 125 teńge. Degenmen, kótermen baǵamen satyp alǵan kezde Qazaqstanǵa birshama tıimdi. Sondyqtan da elimiz kórshi elden benzın tasymaldaýda.

«Tamyz aıynda, tapshylyq oryn alady dep qoryqqan kezimizde biz 74 myń tonna ákeldik, búgingi kúnge deıin taǵy 41 myń tonna aldyq. Qazirgi ýaqytta bizdiń qorymyz 214 myń tonnany quraıdy. Ótken jyly 94 myń tonna qorymyz bolǵan edi. ıAǵnı, AI-92 benzıniniń qory jetkilikti», - dedi V.Shkolnık.