Qazaqstanda AI-92 benzıni arzandady

ASTANA. QazAqparat - Qazaqstanda AI-92 markaly benzınniń baǵasy arzandady, dep habarlaıdy QazAqparat. 

Jeńildikti Qazaqstandaǵy eń iri janar-jaǵarmaı quıý stansylary jelisine ıe «QazMunaıGaz Ónimderi» JShS usynyp otyr. 

«12 sáýirden bastap «QazMunaıGaz» janar-jaǵarmaı quıý stansysy jelisinde AI-92  markaly benzınniń baǵasy kóktemgi kezeńde 4 teńgege arzandap, lıtri 159 teńgeni quraıtyn bolady», - delingen kompanııanyń baspasóz qyzmeti taratqan habarlamada.  

Aıta keteıik, «QazMunaıGaz» JMQS-nyń bólshek saýda jelisi 340-tan astam janarmaı quıý stansysyn qamtıdy. Olar qalalarda, respýblıkalyq mańyzdaǵy negizgi tas joldarda, sondaı-aq Qazaqstannnyń shalǵaı aýyldyq aýdandarynda ornalasqan.