Qazaqstanda AI-80 markaly benzınniń óndirisi áli toqtatylǵan joq - Energetıka mınıstrligi

ASTANA. QazAqparat - Qazaqstanda AI-80 markaly benzınniń óndirisin toqtatý týraly sheshim áli qabyldanǵan joq. Bul týraly búgin QR Energetıka vıtse-mınıstri Áset Maǵaýov málim etti.

«AI-80 markaly benzındi qoldaný kólemi tehnıkalyq standarttardyń joǵarylaýyna baılanysty tómendeı beredi. Ázirge eshqandaı sheshim shyǵarylǵan joq, benzınniń burynǵy baǵasy - lıtrine 89 teńge deńgeıinde saqtalýda», - dep atap ótti ol.

Aıta keteıik, atalǵan benzın markasyn otandyq janar-jaǵarmaı quıý stansalarynda tabý qıyn.

Este bolsa, bunyń aldynda birqatar BAQ-ta «Qazaqstanda 2016 jyldan bastap, AI-80 markaly benzınniń óndirisi toqtatylady» degen aqparat taraǵan bolatyn.  Sebebi Kedendik odaq elderi eýro-4 standarttaryna kóshedi degen jospar jasalǵan edi.