Qazaqstanda AI-100 markaly benzıni óndirilýi múmkin

ASTANA. KAZINFORM – Elimizdegi munaı óńdeý zaýyttary AI-100 markaly benzınin óndirýi múmkin. Bul týraly Energetıka mınıstrligi málim etti.

Atap aıtqanda, birqatar elde «premıým-sanattaǵy» AI-100 markaly benzınin satatyn janarmaı quıý stansalarynyń kóbeıip keledi. Bul óz kezeginde osy benzın markasyna suranys artyp kele jattanyn baıqatyp otyr.

- Qazirgi kezde Qazaqstanda AI-100 markaly benzın óndirilmeıdi. Degenmen, otandyq munaı óńdeý zaýyttarynda aldaǵy ýaqytta bul benzın túrin óndirý boıynsha tıisti jumystar atqarylyp jatyr, - delingen mınıstrliktiń Kazinform agenttigine bergen jaýabynda.

Bul turǵyda tehnıkalyq-ekonomıkalyq negizdemeni pysyqtaǵan kezde,
naryqtaǵy suranysqa baılanysty naqty avtokólik benzıniniń markalarynyń tizimi qarastyrylady.

Aıta keteıik, AI-100 markaly benzınimen sportqa arnalǵan jáne sýperkar kólikteri júredi. Bul mashınalar maksımaldy ónimdilikti talap etedi jáne ony 100 markaly benzın qamtamasyz ete alady. Joǵary jyldamdyqqa arnalǵan qýatty qozǵaltqyshtary bar avtomobılderge de AI-100 benzınin paıdalanýǵa bolady. Sondyqtan janarmaıdyń osy túrimen júretin kólikterdiń qozǵaltqyshynda qýaty men ónimdiligi artady.

Buǵan deıin Energetıka mınıstrligi benzın baǵasynyń kúrt ósýine jol berilmeıtinin málimdegen.