Qazaqstanda aǵzalardy almastyrý tegin jasalatyn boldy

Bul týraly Densaýlyq saqtaý jáne áleýmettik damý mınıstrliginiń ókilderi málimdedi.

Bundaı qymbat operatsııalar mindetti áleýmettik medıtsınalyq saqtandyrý júıesi engizilgennen keıin aqysyz bolady.

Mamandardyń aıtýynsha, qazir aǵza transplantatsııasyna 3 myńǵa jýyq azamat zárý. Elimizde kóbinese búırek, baýyr jáne júrek almastyrý operatsııasy sátti jasalýda. Bolashaqta dárigerler ishek joldaryna da osyndaı operatsııa jasaýdy qolǵa almaq.

«Baýyr men júrekke jasalatyn transplantatsııa shamamen 3 mıllıon teńge turady. Al tıisti baǵdarlama qabyldanǵan soń el azmattaryna mundaı kómek tegin kórsetiletin bolady», - deıdi Medıtsınalyq qyzmetke aqy tóleý komıteti qalalyq departamentiniń basshysy Tileýhan Ábildaev.

Derekkóz: «Habar 24» telearnasy.