Qazaqstanda aǵza donorlyǵynan bas tartýdy nemese kelisimdi qalaı tirkeýge bolady

ASTANA. KAZINFORM – QR Densaýlyq saqtaý mınıstrligi elimizde ólimnen keıingi donorlyqtan bas tartýdy tirkeý tetigi jaıynda túsinik berdi.

«Qazirgi kezde Qazaqstan Respýblıkasy Densaýlyq saqtaý mınıstriniń 2020 jylǵy 21 jeltoqsandaǵy buıryǵyna sáıkes, "Transplantatsııalaý maqsatynda aǵzalardyń (aǵza bóliginiń) jáne (nemese) tinderdiń (tin bóliginiń) qaıtys bolǵannan keıingi donorlyǵynan tiri kezinde bas tartý nemese kelisim alýdy tirkeý" memlekettik qyzmettiń formasy medıtsınalyq - sanıtarııalyq alǵashqy kómek arqyly qaǵaz nusqada nemese elektrondy úkimettiń veb-saıtynda usynylady», - delingen mınıstrliktiń Kazinform agenttigine bergen jaýabynda.

Aıta keteıik, jaqynda QR Densaýlyq saqtaý mınıstri Aqmaral Álnazarova Qazaqstanda zań deńgeıinde adam qaıtys bolǵannan keıingi donorlyq tártibine qatysty jumys rettelgenin aıtty.

«Degenmen, bul salada jetildiretin tustary bar shyǵar, biraq ol tek zańnamalyq bazaǵa baılanysty emes. Bul jerde halyqtyń densaýlyq saqtaý júıesine degen senimi óte úlken másele. Atap aıtqanda, osy saladaǵy máselelerdi egjeı-tegjeıli pysyqtaımyz... Meniń oıymsha, halyqtyń ózi buǵan daıyn bolýy kerek. Birinshiden, muny májbúrli túrde jasaýǵa bolmaıdy. Bizdegi zańnama aǵza donorlyǵyn durys uıymdastyrýǵa múmkindik beredi», - dedi mınıstr.

Eske salsaq, 4 myńǵa jýyq qazaqstandyq aǵza almastyrý kezeginde tur.