Qazaqstanda aǵymdaǵy jyldyń birinshi toqsanynda shıki munaı óndirý 0,3 paıyzǵa artty

ASTANA. QazAqparat - 2015 jyldyń qańtar-naýryzynda Qazaqstanda 17,015 mln. tonna shıki munaı men 3,322 mln. tonna gaz kondensaty óndirildi.

Bul kórsetkish 2014 jyldyń uqsas kezeńimen salystyrǵanda sáıkesinshe 0,3 jáne 4,3 paıyzǵa joǵary. Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.

Komıtet málimetterine qaraǵanda, tabıǵı gaz óndirý 5,700 tekshemetrdi qurap, ósim 4,9 paıyzdy quraǵan. Al munaıdyń ilespe gazyn óndirý esepti keezńde 6,114 tekshe metrge jetti, bul byltyrǵa qaraǵanda 13,8 paıyzǵa artyq.

«Qazaqstanda qańtar-naýryz aralyǵynda avıatsııalyqty qosa alǵanda 653,2 myń tonna benzın óndirildi. Bul 2014 jyldyń osy kezeńimen salystyrǵanda 5,4 paıyzǵa tómen. Al dızeldik otyndy óndirý 0,3 paıyzǵa tómendep, 1 mln. 99 myń tonnany qurasa, mazýt óndirý kórsetkishi 738,2 myń tonnaǵa azaıǵan», - delingen baspasóz baıanynda.