Qazaqstanda Agrobank qurý máselesin sheshý kerek - Jıgýlı Daırabaev
«Aýyl» partııasy irgeli saıası uıym ekeni belgili. Qazir Parlament Májilisi depýtattaryn saılaý naýqanyna qatysyp jatyrmyz. Qatarymyzda eldi, jerdi súıetin naǵyz patrıot azamattar birikken», - dedi J. Daırabaev.
Osy oraıda ol partııada myńdaǵan adam qamtylǵanyn jáne pikirsaıysqa osy azamattardyń senimin arqalap kelgenin aıtty.
«Bizdiń partııa barlyq aýdan men qalalarda turaqty jumys istep keledi. Osy saılaýda partııa nátıjesi joǵary bolatynyna senimdimiz. Partııanyń pozıtsııasy aıqyn – ol qoǵamdaǵy negizgi saıası kúshke aınalý», - dedi partııa ókili.
Bul turǵyda ol «Aýyl» partııasy azyq-túlik qaýipsizdigine jáne aýyldardy dymytýǵa erekshe nazar aýdaryp otyrǵanyn jetkizdi. Partııa Májiliske óken jaǵdaıda, tıisti zańdardy qabyldaýǵa úles qosyp, ádil jumys atqarýǵa daıyn.
«Halqymyz bank júıesinen de zardap shegip otyr. Sebebi nesıeniń paıyzdyń ústemesi tym joǵary, halyq qaryzǵa ábden batqan. Sonymen qatar áleýmettik salada qordalanǵan másele kóp. Atap aıtqanda, Májiliske ótken jaǵdaıda, azyq-túlik qaýipsizdigi týraly zańdy halyqpen aqyldasa otyryp qabyldaımyz. Aýyldyń ınfraqurylymy tozdy, sondyqtan eldi mekenderdegi jelilerdi qalpyna keltirý kerek. Salany tyǵyryqtan shyǵarý úshin 100 paıyz memlekettik kapıtalmen Agrobank qurý máselesin sheshemiz. Budan bólek, aýyl sharýashylyǵy tenıkasyn jańartý maqsatynda otandyq tehnıkany qurastyrýǵa basymdyq beremiz», - dedi Jıgýlı Daırabaev.
Pikirsaıysqa Amanat saıası partııasynan Erlan Qoshanov, «Aýyl» halyqtyq demokratııalyq patrıottyq partııasynan Jıgýlı Daırabaev, Respublica partııasynan Aıdarbek Qojanazarov, «Qazaqstan halyq partııasynan» Oksana Áýbákirova, Qazaqstannyń «Baıtaq» jasyldar partııasynan Azamathan Ámirtaev, «Aq jol» Qazaqstan demokratııalyq partııasynan Azat Perýashev, al «Jalpyulttyq sotsıal-demokratııalyq partııasynan» Nurlan Áýesbaev túsip jatyr.
