Qazaqstanda aǵash ónimderin tańbalaıtyn pılottyq júıe iske qosylyp jatyr

ASTANA. KAZINFORM – Orman sharýashylyǵy jáne janýarlar dúnıesi komıteti GIZ-pen birlesip, aǵash ónimderin tańbalaý júıesin engizý máseleleri boıynsha semınar ótkizdi.

Talqylaýǵa memlekettik organdar, kásiporyndar jáne «Atameken» UKP ókilderi qatysty.

Semınar barysynda retteýshi áserdi taldaýdyń negizgi tujyrymdamalary, aǵash ónimderin izdeý múmkindigin engizý jáne ony jetildirý boıynsha usynystar tanystyryldy. Qatysýshylar tańbalaýdy engizýdiń normatıvtik jáne tehnıkalyq aspektilerin talqylady.

Semınar qorytyndysy boıynsha aǵash ónimderin tańbalaý júıesin kelisý jáne engizý boıynsha naqty qadamdar anyqtaldy.

Pılottyq joba keıingi kezeńde ulttyq deńgeıge masshtabtaý maqsatynda «Semeı ormany» MOTR RMM júzege asyrylatyn bolady.

Aıta keteıik, Almatydaǵy Baým toǵaıynda aǵashtardy zańsyz kesken kúdiktiler áli tabylǵan joq.