Qazaqstanda AES-te jumys isteı alatyn bilikti mamandar daıyndala ma
ALMATY. KAZINFORM – Almatyda atom elektr stantsııasyna qatysty qoǵamdyq talqylaý ótti. Jıynǵa qoǵamdyq keńestiń músheleri, qala turǵyndary men sarapshylar qatysty.
ıAdrolyq fızıka ınstıtýtynyń bas dırektory Saıabek Sahıev qazaqstandyq mamandardyń beıbit ıadrolyq reaktormen jumys isteý tájirıbesi bar ekenin aıtty.
- ıAdrolyq fızıka ınstıtýty 1957 jyly ashyldy, al 1967 jyldan beri onda sý ıadrolyq reaktory jumys isteıdi. ıAǵnı Almatynyń túbinde 57 jyl boıy zertteýge arnalǵan ıadrolyq reaktor jumys istep tur. Sondyqtan bizde beıbit ıadrolyq reaktormen jumys isteı alatyn mamandar bar dep aıta alamyz. Eger Qazaqstan halqy AES salý máselesin qoldaıtyn bolsa, onda eki blok úshin 2 myń jumysshy qajet. Onyń 200-i kúzet pen sanıtarlyq qyzmetkerler. Qalǵan 1800 qyzmetkerdiń joǵary bilimdi 400-i ıadrolyq fızıka ınstıtýtynda daıyndalady, - dedi Saıabek Sahıev.
Al Ál-Farabı atyndaǵy QazUÝ Teorııalyq jáne ıadrolyq fızıka kafedrasynyń meńgerýshisi Medeý Ábishev 10 jylǵa deıin sozylatyn AES qurylysy kezinde bilikti mamandar daıyndalyp úlgeretinin atap ótti.
- Bizdiń ýnıversıtette AES boıynsha mamandar daıyndalyp jatyr. Jaqynda “ıAdrolyq ınjenerııa” degen mamandyq ashyldy. Bul mamandyq boıynsha stýdentter 4 jyl oqıdy. Onyń 2 jylynda ıAdrolyq fızıka ınstıtýtynda tájirıbe jınaıdy. Magıstratýra men doktorantýrada da osy ınstıtýt bazasynda biliktiligin arttyrady. ıAdrolyq fızıka boıynsha Qazaqstanda keńestik kezeńnen beri kele jatqan mamandar bar. 2000 jyly Atyraýdaǵy reaktor jabylǵannan keıin elimizde energetıkalyq reaktorlar jumys istemeıdi. Sondyqtan ıadrolyq energetıkaǵa baılanysty mamandar daıyndaý qajettiligi bolmaǵan. Al AES salý týraly sheshim qabyldansa, qurylystyń ózi 8-10 jyl ýaqyt alady. Sondyqtan osy ýaqytta AES mamandaryn daıyndap úlgeremiz, - dedi Medeý Ábishev.
