Qazaqstanda AES salý týraly sheshim atalǵan másele turǵyndarmen tolyq talqylanǵan soń qabyldanady

ASTANA. QazAqparat - Qazaqstanda atom elektr stansasyn salý týraly sheshim atalǵan másele turǵyndarmen tolyq talqylanǵan soń qabyldanady. Bul týraly búgin QR Parlamenti Májilisinde «Atom energııasyn paıdalaný týraly» zań jobasynyń tanystyrylymy barysynda QR Energetıka vıtse-mınıstri Baqytjan Jaqsalıev aıtty.

"Áli sheshim shyǵarylǵan joq. Eń aldymen bul másele halyqpen jáne bıliktiń barlyq qurylymdarymen keń kólemde talqylanatyn bolady", - dedi B.Jaqsalıev.

Onyń aıtýynsha, búginde atom elektr stanasyn salýǵa bolady degen eki oryn belgilenip otyr. "Bizde eki oryn josparlanyp otyr. Birinshisi Balqash kóliniń mańaıynda, dálirek aıtsaq, kóldik ońtústik-shyǵys bóliginde, Shyǵanaq temirjol stansasy bar, Órken aýyly ornalasqan jer. Ekinshi oryn Semeıdegi synaq polıgonynda. Ol jerde Kýrchatov qalasy ornalasqan. Degenmen Kýrchatov qalasy dep shartty túrde ǵana aıtyp otyrmyz. Al negizinde Semeı synaq polıgonynda", - dep túsindirdi ol.

Vıtse-mınıstrdiń aıtýynsha, AES 2025 jylǵa deıin salynýy múmkin.