Qazaqstanda AES salatyn konsortsıýmdy qurý jumystary qaı satyda

ASTANA. KAZINFORM – «Qazaqstan atom elektr stantsııalary» JShS bas dırektorynyń orynbasary Rınat Oqasov Qazaqstanda alǵashqy AES salýmen aınalysatyn konsortsıým qurý jumystary qandaı satyǵa jetkenin málim etti.

- Kontsortsıým qurý degen – kúrdeli protsess. Óıtkeni birden birneshe sheteldik jáne halyqaralyq kompanııasy qatysý kerek. Biz qazir osy kompanııalardyń bárimen kelissóz júrgizip jatyrmyz, - dedi Rınat Oqasov dedi ol elordada ótip jatqan semınardyń kýlýarynda.

Sondaı-aq, ol konsortsıýmǵa múshe bolatyn kompanııalardy irikteý mehanızmi áli naqtylanbaǵanyn aıtady.

- Mehanızm áli belgisiz. Qalaı bolǵan da bas merdiger bolady dep topshylap otyrmyz. Jobamyzǵa qatysa alatyn sheteldik kompanııalardy sol bas merdigermen birlesip irikteımiz. Qazir short-paraqtaǵy 4 kompanııamen de sol qalpy kelissóz júrgizip otyrmyz. Bul Qytaı, Reseı, Ońtústik Koreıa, Frantsııa kompanııalary ekenin bilesizder. Konsortsıým osy kompanııalardyń qatysýymen qurylady dep topshylaımyz, - dedi kompanııa basshysynyń orynbasary. 

Buǵan deıin AES salýǵa memleket kepildigimen qaryz tartylýy múmkin ekenin jazǵan edik.