Qazaqstanda AES qurylysyna arnalǵan ulttyq standarttar ázirlenip jatyr
ASTANA.KAZINFORM — Atom elektr stantsııalaryn salýǵa qoıylatyn talaptar ulttyq standarttarda bekitilýi tıis. Bul týraly Qazaqstan Respýblıkasy Saýda jáne ıntegratsııa mınıstrliginiń Tehnıkalyq retteý jáne metrologııa komıteti tóraǵasynyń orynbasary Qanat Qabylbekov Ortalyq kommýnıkatsııalar qyzmetinde ótken brıfıngte aıtty.
Onyń sózinshe, qazirgi ýaqytta vedomstvo Atom energııasy agenttigimen birlesip, AES salý josparyna baılanysty ulttyq standarttardy beıimdeý jumystaryn júrgizip jatyr.
— Qazirgi ýaqytta biz Atom energııasy agenttiginiń áriptesterimen birlese otyryp, atom elektr stantsııalaryn salý josparyna baılanysty ulttyq standarttardy beıimdeý boıynsha jumys júrgizýdemiz. Mundaǵy basty másele AES-ti jobalaýǵa, salýǵa jáne paıdalanýǵa qoıylatyn talaptar ulttyq standarttarda, sondaı-aq ózge de normatıvtik quqyqtyq aktiler men tehnıkalyq qujattarda halyqaralyq tájirıbe eskerile otyryp bekitilýi tıis, — dedi ol.
Aıta keteıik, elimizdegi alǵashqy AES nysanyn iske qosý merzimi men negizgi jumystar naqtylandy.
