Qazaqstanda AEHA zertteý reaktorlary boıynsha halyqaralyq konferentsııasy ótýi múmkin
ASTANA. KAZINFORM - QR Energetıka mınıstri Almasadam Sátqalıev Venada Atom energııasy jónindegi halyqaralyq agenttik (AEHA) Bas konferentsııasynyń 68-shi sessııasyna qatysty.
QR Energetıka mınıstri konferentsııa aıasynda birqatar kezdesýler ótkizdi, sondaı-aq plenarlyq otyrys barysynda baıandama jasady.
Óz sózinde A.Sátqalıev 2024 jyly respýblıkanyń AEHA-ǵa qosylǵanyna 30 jyl tolatynyn atap ótti.
«Osy jyldar ishinde biz Agenttiktiń qamqorlyǵymen atom energııasyn beıbit maqsatta paıdalaný ıdeıasyn dáıekti túrde qoldadyq jáne jahandyq turaqtylyq pen qaýipsizdikti qamtamasyz etýge baǵyttalǵan halyqaralyq kúsh-jigerge belsendi úles qostyq», - dedi mınıstr.
Qazaqstan óz tarapynan atom ónerkásibin damytýdaǵy teńgerimdi kózqarasty ustanady jáne taratpaý rejımin nyǵaıtýǵa óz úlesin arttyrýǵa daıyn.
Úlbi metallýrgııa zaýytynyń aýmaǵynda AEHA-nyń biregeı Tómen baıytylǵan ýran banki tabysty jumys isteýin jalǵastyrýda, onda múshe memleketter úshin sońǵy shara retinde tómen baıytylǵan ýran otynynyń (TBÝO) strategııalyq qory saqtalady.
Sondaı-aq, el joǵary baıytylǵan ýran otynyn tómen baıytylǵan ýran otynyna aınaldyrýǵa baǵyttalǵan ǵylymı-zertteý reaktorlaryn konversııalaý jobalaryn iske asyrýdy jalǵastyrýda, osylaısha onyń taratpaý saıasatyn ustanady.
Adamdardyń ómir súrý sapasy men densaýlyǵyn jaqsartýda atom ónerkásibi de mańyzdy ról atqarady. Radıofarmatsevtıkalyq preparattar qaterli isik, júrek-tamyr jáne nevrologııalyq aýrýlardy qosa alǵanda, aýrýlardy dıagnostıkalaýda qoldanylady. AEHA tehnıkalyq yntymaqtastyq jobasy aıasynda Qazaqstannyń ıAdrolyq fızıka ınstıtýty radıofarmatsevtıkalyq preparattardy damytý boıynsha jumysty jalǵastyrýda.
«ıAdrolyq zertteý reaktorlary men radıofarmpreparattar óndirisi salasyndaǵy jınaqtalǵan tájirıbemizdi nazarǵa ala otyryp, men AEHA-men birlesip Qazaqstandaǵy zertteý reaktorlary boıynsha kelesi halyqaralyq konferentsııany ótkizýdi usynǵym keledi», - dep usyndy mınıstr konferentsııada sóılegen sózinde.
Sondaı-aq, QR Energetıka mınıstri qatysýshylardyń nazaryn AEHA bir ózekti máselege aýdardy.
Qazirgi ýaqytta AEHA-ǵa múshe 14 memleket Basqarýshylar keńesi men Bas konferentsııaǵa saılaný quqyǵynan aıyrylǵan.
«Qazaqstan sońǵy bas konferentsııada múshe memleketterdiń basym kópshiligi qabyldaǵan Agenttikte egemendi teńdikti qalpyna keltirý týraly qararǵa bastamashy boldy. Ol qabyldanǵannan beri aýmaǵy shekteýli múshe memleketter sany 17-den 14-ke deıin qysqardy, biraq másele munymen bitken joq. Osyǵan baılanysty biz múshe memleketterdi osy qarardy jáne ózderiniń halyqaralyq mindettemelerin oryndaýǵa shaqyramyz», - dedi A. Sátqalıev.
Qazaqstan bul máselemen túpkilikti sheshilgenge deıin aınalysa beredi.
