Qazaqstanda AEA ınfraqurylymyna 400 mlrd. teńgeden astam qarajat bólindi
ASTANA. 16 shilde. QazAqparat - Qazaqstanda arnaıy ekonomıkalyq aımaqtar ınfraqurylymyn qurýǵa 400 mıllıardtan astam teńge bólindi.
Munyń tórtten birinen astamyn jeke ınvestıtsııalar quraıdy. Búgin Úkimet otyrysynda Indýstrııa jáne jańa tehnologııalar vıtse-mınıstri Albert Raý osylaı málimdedi.
«Jalpy arnaıy ekonomıkalyq aımaqtar qyzmetiniń barlyq kezeńinde respýblıkalyq bıýdjetten ınfraqurylym qurylysyna 97,0 mlrd. teńge bólingen. Jobaǵa salynǵan jeke ınvestıtsııalar kólemi 308 mlrd. teńge», - dedi A.Raý. Onyń aıtýynsha, elimizdiń arnaıy ekonomıkalyq aımaqtary aýmaǵynda 270 mlrd. teńge somaǵa ónim óndirilip, 28 mlrd. teńgege jýyq salyq túsimderi jasaldy. «ıAǵnı bólingen qarajattyń shamamen úshten bir bóligi qaıtarylyp otyr. Jalpy, sońǵy tórt jylda bıýdjetten shamamen 44 mlrd. teńge bólinip, jeke ınvestıtsııalarǵa 82 mlrd. astam teńge tartyldy. Budan ózge, 2009 jyldan bastap arnaıy ekonomıkalyq aımaqtar kásiporyndary 224 mlrd. teńgege ónim óndirdi. Bul aımaqtardyń jumys jasaý kezeńindegi jalpy kólemniń 80 paıyzdan astamyn quraıdy», - dedi vıtse-mınıstr.
