Qazaqstanda advokattyq qyzmetpen aınalysý quqyǵyna arnalǵan attestatsııa ótkizý bastalady
ASTANA. Aqpannyń 19-y. QazAqparat - QR Ádilet mınıstrligi 2010 jylǵy aqpannyń 24-inen 27-si aralyǵynda advokattyq qyzmetpen aınalysý quqyǵyna arnalǵan attestatsııa ótkizýdiń bastalǵanyn jarııalaıdy. Bul is-shara olardyń biliktilikterin qýattaýǵa baǵyttalǵan,
dep habarlady mınıstrliktiń baspasóz qyzmeti.
Attestatsııa eki kezeńde ótkiziledi. Birinshi kezeńde Astanada qalasynda, Aqmola, Aqtóbe, Qaraǵandy, Qostanaı, Pavlodar jáne Soltústik Qazaqstan oblystarynda turatyn úmitkerler shaqyrylady. Birinshi kezeń kelesi kestege saı ótkiziledi: 2010 jylǵy aqpannyń 24-inde - Aqtóbe, Pavlodar oblystary, aqpannyń 25-inde - Aqmola, Qostanaı, Soltústik Qazaqstan oblystary, aqpannyń 26-synda - Qaraǵandy oblysy, aqpannyń 27-sinde - Astana qalasy.
Basqa oblystardyń úmitkerleri advokattyq qyzmetpen aınalysý quqyǵyna arnalǵan attestatsııadan ótý kúni týraly aýmaqtyq ádilet organdary arqyly, attestatsııalaý ótkiziletin 10 kúntizbelik kúnnen keshiktirmeı, qosymsha habarlanatyn bolady.
Qosymsha málimetterdi74-06-01 telefonymen alýǵa bolady, elektrondy poshta: pressgov@mail.ru .
