Qazaqstanda advokattardyń qyzmet qunyn belgileıtin tarıftik keste qurylady
Bul týraly zań jobasyn túsindirýge oraı OKQ-da ótken baspasóz máslıhatynda QR Ádilet mınıstrligi Tirkeý qyzmeti jáne zań qyzmetin uıymdastyrý departamentiniń dırektoory Baqtygúl Ataǵazıeva málim etti, dep habarlaıdy «QazAqparat» HAA tilshisi.
Departament dırektorynyń aıtýynsha, búgingi tańda jańa zań jobasy arqyly advokattyq qyzmetti álemniń damyǵan elderiniń standarttaryna sáıkestendirý kózdelip otyr. Azamattardyń kásibı zań kómegin alýǵa, konstıtýtsııalyq quqyǵyn iske asyrý mehanızmnin jetildirý maqsatynda Ádilet mınıstrligimen jańa zań jobasy ázirlengen.
«Tarıftik keste halyqtyń advokattar men zańgerler qyzmetiniń ortasha baǵasyn naqty bilýi úshin jasalǵaly otyr. Keńes berýshilerdiń zańdyq baǵasy, Respýblıkalyq advokattar alqasy tarıftik kesteni ózara aqyldasa belgileıtin bolady. Oǵan qosa advokattar birlestiginiń pikiri nazardan tys qalmaıdy. Bul ortasha baǵany anyqtap beredi. Eger azamat belgili bir zańgerge nemese advokatqa baryp qyzmetin surasa shamamen bul úshin qansha tóleýi kerektigin biletin bolady», - deıdi departament dırektory.
Onyń aıtýynsha, qazirgi tańda mundaı tarıftik keste Qazaqstanda joq. Sondyqtan da, máselen, Astanada advokattyq qyzmet úshin bir jerde 500 myń teńge alsa, ekinshi qalada ol baǵa áldeqaıda tómen bolýy yqtımal.
«ıAǵnı, kesteniń qabyldanýymen qyzmet qunynyń belgili bir shegi belgilenedi degen oıdamyn. Ortasha quny belgili bolǵannan keıin ony tómendetý nemese ósirý múmkindigi bolmaıdy. Múmkin bolashaqta osy ortasha qun osy zań kómeginiń naqty baǵasyna da aınalar», - deıdi Baqtygúl Ataǵazıeva.
