Qazaqstanda advokattar men notarıýstar úshin talaptar jańartyldy

ASTANA. KAZINFORM – Qazaqstan Respýblıkasynyń Ádilet mınıstrligi advokattyq jáne notarıaldyq qyzmetti lıtsenzııalaý erejelerine ózgerister engizdi.

Jańa buıryqta advokattar men notarıýstar úshin barlyq biliktilik talaptary men olardyń sáıkestigin rastaıtyn qujattar tizimi kórsetilgen.

Advokattarǵa qoıylatyn talaptar:

· Qazaqstan Respýblıkasynyń azamaty bolýy;

· Joǵary zańgerlik bilimi bolýy;

· Keminde bes jyl tájirıbesi bar advokattyń qasynda alty aıdan bir jylǵa deıin tájirıbeden ótýi;

· Advokattyq qyzmetpen aınalysýǵa attestatsııadan ótýi;

· Sottylyǵy bolmaýy.

Notarıýstarǵa qoıylatyn talaptar:

· Qazaqstan Respýblıkasynyń 25 jastan asqan azamaty bolýy;

· Joǵary zańgerlik bilimi bolýy;

· Keminde bir jyl notarıýstyń qasynda tájirıbeden ótýi;

· Notarıaldyq qyzmetpen aınalysýǵa attestatsııadan ótýi;

· Keminde eki jyl quqyq salasynda tájirıbesi bolýy;

· Densaýlyǵy boıynsha psıhologııalyq jáne narkologııalyq esepte tirkelmeýi;

· Sottylyǵy bolmaýy.

Jańa buıryq 2026 jylǵy 10 naýryzdan bastap qoldanysqa engiziledi.

Aıta keteıik, 2025 jylǵy jeltoqsanda Senat advokattar men notarıýstardy attestattaý tártibine engizilgen ózgeristerdi maquldady. Bul qujat Memleket basshysynyń, sonyń ishinde ákimshilik ádilet salasyn keńeıtý jónindegi tapsyrmalaryn oryndaýǵa baǵyttalǵan.